فشل ذريع

بقيت حاسس ان كل اللي بتعمله ملوش أهمية 

كل اللي حواليك ميستحقوش وجودك مبقتش عارف تفرق مين فيهم اللي المفروض تضحي علشانه

شايف الكل سواسية مستثنتش على حد 

مش حاسس اي مشاعر 🙄

اللي شايفك غلط مبتحاولش تصلح تفكيره ناحيتك

واللي شايفك صح يلا كتر خيره 👏

ماشي اليوم بيومه 

أحلامك اللي كنت عاملها أجندة أمس وماشي تبص عليها 🧐

وفخور بتفكيرك

حتى دا انت مش مركز فيه

عاوز اليوم يخلص ويجي اللي بعده ودي الحياة 

مش نايم بس بتنام بشكل بشع ميت حرفيا كبيرك تقوم للصلوات وتجري مكانك تاني كأنك بتسابق علشان تكمل حلمك اللي اصلا عقلك الباطن صورهولك من كتر التفكير المستمر 🤦🏻‍♀️

طب وبعدين هفضل هنا دا مش مكاني ولا دا كان حلمي ولا دول الناس اللي حلمت اكون وسطهم🙍🏻‍♀️

 بس دا شغلي دراستي اهلي اصحابي 😲

انت متخبط😨 

انا زهقت انا مش عاوز اكمل انا للدرجة دي انسان اناني تصرفاته غريبة بقيت انسان مش سوى🤯 

انا لازم اتغير 😊

هنا هنقف لإن هي دي البوينت انك هتتغير..

 هتتغير للأحسن وهتنسي كل السلبيات اللي بتقابلها وانت رايح لحلمك وهتجري وتقع وتقوم علشان توصل ولا هتكمل نوم وهتفشل فكل حاجة

 فحلم.. 

فصداقاتك..

 في تكوين أسرة.. 

في قاعدة دافية مع اهلك مش هتصدقني لو قولتلك عن تجربة إن حتى النوم اللي بتهرب بيه من العالم اللي انت فيه هتبتدي تفشل فيه ومش هيبقي الفشل مقتصر بس عالتفكير دا انت هتسمع دوشة غير اللي جواك بمعنى أدق في وقت هتوصل فيه للإنهيار هتحس انك فشلت فكل حاجة فحياتك فشل ذريع غير مسبق 😵

فنصيحة من حد مر بدا ومازال بيمر بالأصعب من دا كمل لحلمك وابعد عن أي عائق هيقابلك إجرى وعافر وافشل وهدِّى وارتاح وفكر بس كل دا متخليهوش ياخد من وقت وصولك لحلمك علشان متبصش تلاقي نفسك وصلت متأخر وتكون ضيعت فرص أكبر ووقتها هتحس فعلا بالفشل الذريع😷

. 

ReeNnOo_Helal#